ಸೈಬರ್ ಲೋಕ ಅಸಂಖ್ಯ ಅವಕಾಶಗಳ ತವರು. ತೊಂದರೆಕೊಡಲೆಂದೇ ತಯಾರಾದ ವ್ಯವಸ್ಥೆಗಳಿಂದ ಇಲ್ಲಿ ನಮಗೆ ಅಪಾಯವಾಗುವ ಸಾಧ್ಯತೆಯೂ ಉಂಟು!
ಸೈಬರ್ ಲೋಕ ಅಸಂಖ್ಯ ಅವಕಾಶಗಳ ತವರು. ತೊಂದರೆಕೊಡಲೆಂದೇ ತಯಾರಾದ ವ್ಯವಸ್ಥೆಗಳಿಂದ ಇಲ್ಲಿ ನಮಗೆ ಅಪಾಯವಾಗುವ ಸಾಧ್ಯತೆಯೂ ಉಂಟು!
ಕೊರೊನಾಲಜಿ

ಸೈಬರ್‌ಲೋಕದಲ್ಲಿ ಕೋವಿಡ್-೧೯

ವಿಜಯ ಕರ್ನಾಟಕ 'ಕೊರೊನಾಲಜಿ' ಅಂಕಣದಲ್ಲಿ ಪ್ರಕಟವಾದ ಬರಹ

ಟಿ. ಜಿ. ಶ್ರೀನಿಧಿ

ಸೈಬರ್ ಲೋಕ ಅಸಂಖ್ಯ ಅವಕಾಶಗಳ ತವರು. ತೊಂದರೆಕೊಡಲೆಂದೇ ತಯಾರಾದ ವ್ಯವಸ್ಥೆಗಳಿಂದ ಇಲ್ಲಿ ನಮಗೆ ಅಪಾಯವಾಗುವ ಸಾಧ್ಯತೆಯೂ ಉಂಟು. ಹೊಸಹೊಸ ಅವಕಾಶಗಳು ಸೃಷ್ಟಿಯಾಗುವಂತೆ ಇಲ್ಲಿ ಹೊಸ ಅಪಾಯಗಳೂ ಆಗಿಂದಾಗ್ಗೆ ಕಾಣಿಸಿಕೊಳ್ಳುತ್ತವೆ. ಬಾಹ್ಯ ಜಗತ್ತಿನಲ್ಲಿ ಹೊಸ ಸಂಗತಿಗಳು ಸುದ್ದಿಯಾದಾಗ ಇಲ್ಲಿನ ದುಷ್ಕರ್ಮಿಗಳೂ ಅದರ ಲಾಭ ಪಡೆದುಕೊಳ್ಳಲು ಪ್ರಯತ್ನಿಸುತ್ತಾರೆ.

ಕೋವಿಡ್-೧೯ ಜಾಗತಿಕ ಸೋಂಕು ಈ ವರ್ತನೆಯ ಇತ್ತೀಚಿನ ಉದಾಹರಣೆ. ಜಗತ್ತಿನಾದ್ಯಂತ ಭೀತಿ ಮೂಡಿಸಿರುವ ಈ ರೋಗದ ಹೆಸರನ್ನು ಬಳಸಿಕೊಂಡು ಸೈಬರ್ ಅಪರಾಧಗಳನ್ನು ಎಸಗುವ ಪ್ರವೃತ್ತಿ ಇದೀಗ ಹೆಚ್ಚುತ್ತಿದ್ದು ಆ ಬಗ್ಗೆ ಎಲ್ಲರೂ ಎಚ್ಚರವಹಿಸುವಂತೆ ಜಾಗತಿಕ ಪೊಲೀಸ್ ಸಂಸ್ಥೆ ಇಂಟರ್‌ಪೋಲ್ ಕರೆನೀಡಿದೆ.

ಸದ್ಯದ ಪರಿಸ್ಥಿತಿಯನ್ನು ದುರುಪಯೋಗಪಡಿಸಿಕೊಳ್ಳುತ್ತಿರುವ ಸೈಬರ್ ಅಪರಾಧಿಗಳು ಕಂಪ್ಯೂಟರ್ ವ್ಯವಸ್ಥೆಗಳ ಮೇಲೆ ದಾಳಿ ನಡೆಸುತ್ತಿರುವ ಸುದ್ದಿಗಳು ಈಗಾಗಲೇ ಕೇಳಿಬರುತ್ತಿವೆ. ಕೋವಿಡ್-೧೯ ಅಥವಾ ಕೊರೊನಾವೈರಸ್ ಹೆಸರಿರುವ ಜಾಲತಾಣಗಳು ಹಾಗೂ ಈ ವಿಷಯದ ಸಂದೇಶಗಳನ್ನು ಅವರು ಕುತಂತ್ರಾಂಶಗಳನ್ನು ಹರಡಲು, ಖಾಸಗಿ ಮಾಹಿತಿಯನ್ನು ಕದಿಯಲು ಬಳಸುತ್ತಿದ್ದಾರೆ. ಕಂಪ್ಯೂಟರುಗಳನ್ನು ತಮ್ಮ ನಿಯಂತ್ರಣಕ್ಕೆ ತೆಗೆದುಕೊಂಡು, ಅಲ್ಲಿನ ಮಾಹಿತಿಯ ಗೂಢ ಲಿಪಿಕರಣ (ಎನ್‌ಕ್ರಿಪ್ಷನ್) ಮಾಡಿ, ಅದನ್ನು ಸರಿಪಡಿಸಲು ಹಣ ಕೇಳುವ ಪ್ರಸಂಗಗಳೂ ವರದಿಯಾಗಿವೆ.

ಇಂತಹ ಸನ್ನಿವೇಶಗಳಿಂದ ಪಾರಾಗಲು ನಮ್ಮ ಮಾಹಿತಿಯನ್ನು ಆಗಿಂದಾಗ್ಗೆ ಬ್ಯಾಕಪ್ ಮಾಡಿಕೊಳ್ಳುವುದು, ಅಪರಿಚಿತ ತಾಣಗಳಿಂದ ಏನನ್ನೂ ಡೌನ್‌ಲೋಡ್ ಮಾಡದಿರುವುದು, ಖಾಸಗಿ ಮಾಹಿತಿಯನ್ನು ಎಲ್ಲೆಂದರಲ್ಲಿ ಹಂಚಿಕೊಳ್ಳದಿರುವುದು, ಆಂಟಿವೈರಸ್ ತಂತ್ರಾಂಶಗಳನ್ನು ಆಗಿಂದಾಗ್ಗೆ ಅಪ್‌ಡೇಟ್ ಮಾಡಿಕೊಳ್ಳುವುದು, ಸದೃಢ ಪಾಸ್‌ವರ್ಡ್‌ಗಳನ್ನು ಬಳಸುವುದೇ ಮುಂತಾದ ಕ್ರಮಗಳು ನೆರವಾಗಬಲ್ಲವು. ಈಚೆಗೆ ವರ್ಕ್ ಫ್ರಮ್ ಹೋಮ್ ಅಭ್ಯಾಸ ಹೆಚ್ಚಿರುವುದರಿಂದ ಮನೆಯ ಕಂಪ್ಯೂಟರ್ ಜಾಲದ ಸುರಕ್ಷತೆಯ ಬಗೆಗೂ ನಾವೆಲ್ಲ ಹೆಚ್ಚಿನ ಕಾಳಜಿ ವಹಿಸಬೇಕಿದೆ.

ಸೌಜನ್ಯ: ವಿಜಯ ಕರ್ನಾಟಕ

ಇಜ್ಞಾನ Ejnana
www.ejnana.com